Print

ጋፋት ኢንዶውመንት በክልሉ ፍትህ ቢሮ መንግስታዊ ባልሆነ ዘላቂ የበጎ አድራጎት ድርጅትነት ጥር 22 ቀን 2000 ዓ.ም እውቅና አግኝቶ ተቋቋመ፡፡ ኢንዶውመንቱ ሲቋቋም በዋነኝነት ሁለት ተልዕኮወችን አንግቦ ነው፡፡የመጀመሪያው ከኢንቨስትመንት የሚያገኘዉን ሀብት ለበጎ አድራጐት ሥራዎች በማዋል የክልሉን የልማት እንቅስቃሴ ማገዝና ለህዝብ ኑሮ መሻሻል የበኩሉን አስተዋጽኦ ማበርከት ሲሆን ሁለተኛው ደግሞ ከኢንቨስትመንት መስኮች የሚገኘውን ትርፍ መልሶ ስትራቴጂክ በሆኑ ዘርፎች ላይ ኢንቨስት በማድረግ በክልሉ ውስጥ የሥራ እድልን መፍጠርና የቴክኖሎጂ ሽግግርን ማምጣት ነው፡፡

እነዚህን ተልዕኮወች ለማሳካት በአሁኑ ወቅት በስራ ላይ የሚገኙ አራት ኩባንያወችን ማለትም፡-

1ኛ.ጣና ፍሎራ ኃ/የተ/የግ/ማህበር

2ኛ. ጢስ እሳት ውኃ ስራዎች ኃ/የተ/የግ/ማህበር

3ኛ. መቅደላ ኮንስትራክሽን ኃ/የተ/የግ/ማህበር

4ኛ. ላሊበላ የጥናት፣ዲዛይንና ቁጥጥር ስራዎች ኃ/የተ/የግ/ማህበር

አቋቁሞ በመስራት ላይ ይገኛል፡፡